رسالة حب ليوم وطن الاهرام
كتبهاالمصري ، في 3 مايو 2008 الساعة: 00:18 ص
ر
قولوا اللي انتوا عايزينه الحكومة بتاخد رشاوي جمال مبارك حيورث الحكم الحكومة حرامية الحكومة نصابين الحكومة بيبيعوا الدولة
مفيش مشكلة
والحكومة تعمل الي هيا عايزاه
تغير الدستور
تبيع ممتلكات الدولة
تبيع اراضي الدولة
تلغي قوانين
تحط قوانين
الحكومة بتعمل اللي هي عايزاه
من اجمل ما نشرت صحيفة الاهرام دعوة لعيد ميلاد وطني غدا لمحرر ارض مصر
لقد قاد مبارك عملية تحرير الأرض وحقق لنا الاستقرار وهيأ المناخ للشعب لكي يعمل وينتج بكل حرية.. واصبح واجبنا الآن أن نشاركه رؤيته المستقبلية الحكيمة في ان نتعامل معه وان نتكامل مع هذه الرؤية المستنيرة وان نضع ايدينا في يديه لكي نبني مصر من جديد ونصنع لها ولنا مستقبلا شامخا بين الأمم العريقة..
وابتداء من غد الاحد4 مايو يصدر الأهرام ملحقا خلال شهر مايو بإذن الله تحت عنوان عيد ميلاد وطني تفتح خلاله صفحات من ملحمة العمل الوطني في كل مجالات الحياة المصرية طوال رحلة عطاء مبارك لنا ورحلة عطائنا معه لمصر. واليوم تبدأ الأهرام علي صفحاتها مشوار العطاء للوطن والقائد:
هذة رسالة ايضا لمبارك لكن بدون نفاق
مقدمه لسيادتكم برعم نشأ فى عهدكم وتربى فى كنفكم وشرب من بحر علمكم وحكمتكم اللتى اذهلت العدو قبل الصديق
تسمحلى اقولك يابابا؟
بابا انا تعبان اوى……..
لا مش سنانى دى ودانى ….. ايوه ودانى
اصلى سمعت كتييييييييييييييييييييير اوى عن حاجات حلوه هتحصل لنا ومحصلش منها حاجه
هقولك شويه حاجات منها واخواتى هنا يمكن يحبوا يزودوا عليها شويه حاجات تانيه جايز اكون نسيته
.بابا مش عايزك تزعل منى عشان فتحت لك قلبى
بابا………مصر فى السياسه والاقتصاد وحتى فى الرياضه بقت فى الحضيض …بقينا فى اخر القايمه صدقنى
الدول اللى مكانش حد بيسمع عنها خالص بقت احسن مننا بكتير اوى
يعنى دول زى الهند.فلبين .تايلاند عندهم ايدز وبرضه بيشتغوا وبيصدروا كمان ….انت نمت يابابا ؟ لسه صاحى,…….. طيب اكمل
بتشوف قناه الجزيره والعربيه ودبى يابابا….
شفت هما وصلوا وبقوا ايه واحنا بقينا ايه……..الاعلام بتاعنا بقى زباله بصراحه ………تفتكر ده من ايه يا بابا؟
المصريين اللى عايشين بره محدش بيسال فيهم خالص يابابا ……..
تصور لو حد منهم مات….السفاره مابترضاش تبعت جثثه الا لو الناس لمت من بعضها ودفعت المعلوم……….
ده غير ان سفارتنا بتعاملهم بطريقه اخر جليطه وقلة حيا بصراحه
احنا مبزرعش قمح ليه يابابا؟؟؟
انا عارف انك بتحب الكنتلوب عشان طعمه احلى مش مهم بس حتى يابابا لو زرعنا القمح ليه القمح عندنا بيطلع كوسه
هو ليه عمرو خالد وانكل يوسف القرضاوى ملهمش برامج على التليفزيزن المصرى يابابا؟؟؟؟ ………
ليه كل البرامج بتطلع فيها روبى ونانسى ودينا؟؟؟…….
طب عمو طنطاوى مبيزعلش لما بيشوف الحاجات دى ؟؟
بيقولوا عدد الجراد اللى هاجم شعب مصر 70مليون جراده يعنى نفس عدد شعب مصر ولا عمو كمال الشاذلى هو اللى باعتهم عشان يقولوا نعم يامبارك ……….
صحيح انهم كتبوا ليك مبايعه على ورق الشجر يابابا؟
بابا……….وزير الزراعه الجديد ده باين عليه فقر ودمه نحس……….اوعى تفرط فيه يابابا ده بقى املنا الوحيد
بابا انتا قولت مبارح فى عيد العمال انك هتزود المرتبات بتاعى العمال ده بجد يا بابا ولا بتسجدهم بس علشان خاطر الاضراب بتاع4 مايو
ليه عدد مرضي الفشل الكلوي زاد قوي؟
ليه عددمرضي السرطان زاد قوي ليه السحابه السودا غطت سمانا ؟
ليه انفلونزا الطيور ظهرت ؟
ليه بنموت في طوابير عيش الغلابه ؟
ليه توظيف الاموال بقي ظاهره ؟
ليه الغني عمال يزيد في غناه واحنا قربنا نموت من الجوع ؟
رد يابابا وريحنا لو كان عندك اجابه
انت تعرف يا با با اننا بقينا حقل تجارب للادوية الاسرائليه
وعرفت ان شركة امون وشركة سيد وشركة الكان تم بيعهم مع انهم بيحققوا اعلي ارباح ؟؟؟
طب تعرف ان شركة تيفا الاسرائليه دخلت الاسواق المصريه لتصنيع الدواء ؟؟؟؟؟؟؟
طب سمعت ان وزير الصحه اصدر قرار بعدم تحليل منتجات الشركه لتسهيل الاجراءات ؟؟؟
انت نايم والا ايه يابابا ياعم اصحي بقي ارجوك بقينا حقل تجارب
بابا انت صحيح ناوى تجدد تانى فى 2011 ؟؟؟؟؟
يابابااااااااااا مين الناس دول يا بابا هما واخدنى ورايحين على فين يابابا ااااااااااا
ـــــــــــــــــــــــــــــــــــــــــــــــــــــــــ
التصنيفات : خواطرسباسية | السمات:خواطرسباسية
أرسل الإدراج | دوّن الإدراج
