مجرد حكاية
كتبهاالمصري ، في 29 ديسمبر 2007 الساعة: 10:07 ص
مجرد حكاية من حكاوي عديدة هي مش جديدة
ولا قديمة
وبطلها من أبطال أتباع المعيلة الرشيدة
والحكاية في الإسكندرية
في بيت الحكومة المجيدة
مبني المحافظة
ومش بالاسم الأفعال العديدة
لسيادة المحافظ محافظ عظيمة
سجاد ومكتب وحراسة مستديمة
وكماله الديكور للدكتاتور سكرتارية أكيد جميلة
الاسم عفاف والعفة يا ناس عقيمة
مسكينة
طيبة
خدومة
أصيلة
بنت فيلا وسيارات مع السهرات حسب الموضة
ولأنها خدمت الناس وقدمت لكل محتاس شقة
مش رشوة . لا شفقة
من بنت بلد من الحكومة مدعومة
وسكرتيرة خاصة للسيد أبو غشومة
باعت الشقق لحسابها وطلعت للدولة الظلومة
قدمت استقالتها وقالت مظلومة
حسدني علي أية ده كلهم كم مليون جنية
ورثهم جوزي البيه
ولا حد يقدر علية
والقانون تحت رجليه
ضابط شرطة اسم الله علية
راحت شقق الدولة المدعومة
لو كان دة نصيب السكرتيرة نشوف بقي نصيب أبو شونة
وكل ما نعلي تعلي المرقومة
ولو واحد غليان مسكوه بحق لبان بياخد أعدومة
دي مجرد حكاية من حكاوي عديدة
هي مش جديدة
بس ملعوبة
وسلامات يا حكومة
ـــــــــــــــــــــــــــــــــــــــــــــــــــــــــ
التصنيفات : خواطرسباسية | السمات:خواطرسباسية
أرسل الإدراج | دوّن الإدراج
