يوميات مولد التحرير

كتبهاالمصري ، في 21 نوفمبر 2011 الساعة: 18:59 م

؟مولد سيدي التحرير او مولد الثورة علي فين ؟؟

اليوم الاول..

ناس عملة حلقة علي شكل الذكر ولكن الذكر مختلف لانة يسقط المشير .؟ وناس عمله حلقة رقص اي والله حلقة رقص ستاتي والشباب الثوار بتسقف و البعض بيوسع والبعض الاخر بيوزع اية الله واعلم وعم صار بياع البطاطا مبسوط فرحان بالمولد وام مستكة بتبيع شاي ومستكة بيبيع علم مصر وناس عمله حلقة علي ناس بتصلي بعد العشاء وبتدعي والشباب بيقولوا امين وناس بتجري وناس بتتفرج وناس بتهرج وناس في التليفزيون قاعدة تبهرج وتتنطط وناس فرحانة لان مصر عمرانة بمولد التحرير ؟؟انت عارف هما ايه عيزين ؟؟ولا هما كمان عرفين .؟

مولد سيدي التحرير..اليوم التالي

اعلنت الجماعة انه لا يوجد من يمثلها في الميدان بعد مليونية الجمعة 18 نوفمبر وايضا اعلنت معظم القوي السياسية انه لا يوجد لها اتباع في الميدان ؟؟؟فقامت الحكومة بالبحث والتنقيب لمعرفة من هم بالميدان ؟؟؟

وطبقا لمعلومات الاجهزة الامنية والمعنية اتضح ان الميدان فيه بلطجية من شعب مصر الفرعونية يرقصون ويمرحون ويهللون باسم المحظورة

الحرية والمعتقلة العدالة الاجتماعية لذا قامت الحكومة بالترويح عن البلطجية فمدت لهم يد العون للصعود الي الحياة الابدية ؟؟

مولد ثورة التحرير … اليوم الثالث

ولما شافت الحكومة الشعب مبسوط وعامل مولد وحرصا منها علي ابهاج الشعب اي والله ابهاج الشعب ولان الجو بارد فولعت في سيارة من سيارات الامن حرصا منها فقط علي تسخين الطبلة وده عشان انتعاش الرقص والطرب في الميدان ومما اسعد الشعب كل الشعب بلطجية وحرامية واسلاميين وسلفيين وثورجية وحتي حزب الكلمنجية الاحرار مشاركة الامن في المولد بالالعاب النارية اي والله العاب نارية طبعا مش الحكومة من الشعب مما اضاف السعادة المفرطه لقلوب الناس حتي انهم ماتوا من كتر السعادة في مولد التحرير .؟؟

أضف الى مفضلتك